Jergilikti aımaqtar úkimettik emes uıym qyzmetin júzege asyratyn mamandarǵa zárý bolyp otyr

sp;ASTANA. Qarashanyń 24-i. QazAqparat /Aıdar Ospanalıev/ - Memleket áleýmettik saladaǵy sharalardyń basym bóligin kommertsııalyq emes uıymdardyń júzege asyrýyna múmkindik berý kerek.

Sonda memleket quzyrynda tek úkimettik emes uıymdardyń júzege asyryp otyrǵan jobalaryn qarjylandyrý men olardy baǵalaý jáne baqylaý   mindeti ǵana qalmaq. Bul máseleni búgin Astanada ótip jatqan IV Azamattyq forým barysynda Memlekettik hatshy- Syrtqy ister mınıstri Qanat Saýdabaev kóterdi, dep habarlaıdy QazAqparat.

 Sondaı-aq Q.Saýdabaev elimizdegi úshinshi sektordy ınstıtýt retinde damytý sharalaryn jolǵa qoıý qajettigin atap kórsetti.

 Onyń sózine qaraǵanda, álem elderinde úkimettik emes sektor eń iri jumys berýshi bolyp tabylady. Onda turaqty túrde mıllıondaǵan adamdar jumys isteıdi. Al volonterlar sany odan da kóp. «Úkimettik emes uıym ókilderiniń kásibı deńgeıin arttyryp, osy salaǵa áleýmettik marketıng pen sertıfıkattaý qyzmetin engizý qajettigin eskere otyryp, joǵary oqý oryndarynda kommertsııalyq emes menedjment tártibine qatysty arnaıy baǵdarlama engizýdi zerdeleý kerek dep oılaımyn. Al úkimetttik emes uıymdardyń sany artyp, olardyń qyzmetiniń sapasy óssin desek, resýrstyq ortalyqtardyń qyzmetin jandandyrǵan abzal. Óıtkeni elde úkimettik emes sektor qalyptasqanǵa deıin bul mindetti halyqaralyq uıymdar júzege asyryp keldi. Jalpy azamattyq qoǵamdy damytý tujyrymdamasynyń ekinshi kezeńin júzege asyrýda resýrstyq ortalyqtardyń kúshi jergilikti jerlerge úkimetttik emes sektorda qajetti kadrlardy daıyndaýǵa jumsalýy qajet», dedi Memlekettik hatshy.

 «Bul oraıda Mádenıet jáne aqparat mınıstrligi ákimdiktermen birlese otyryp, resýrstyq ortalyqtardy aýdandyq deńgeıde qurýdy qolǵa alýlary kerek».