Jergilikti atqarýshy organnyń birinshi basshysy ÁKK-lardyń qyzmeti qorytyndylaryna jeke jaýap beredi - E.Dosaev
ASTANA. 16 qazan. QazAqparat - Jergilikti atqarýshy organnyń birinshi basshysy ÁKK-lardyń qyzmeti qorytyndylaryna jeke jaýap beredi.
Bul týraly búgin Úkimettiń selektorlyq rejimdegi otyrysynda «Áleýmettik-kásipkerlik korporatsııalardy damytý tujyrymdamasyn maquldaý týraly» QR Úkimeti qaýlysynyń jobasyn tanystyrǵan QR Ekonomıkalyq damý jáne saýda mınıstri Erbolat Dosaev aıtty.
«Jergilikti atqarýshy organnyń birinshi basshysy ÁKK-lardyń qyzmeti qorytyndylaryna jeke jaýap beredi jáne korporatsııa qyzmetiniń qorytyndylary boıynsha jyl saıyn QR Úkimeti aldynda esep beredi», - dedi ol.
E.Dosaevtyń sózine qaraǵanda, tujyrymdamany júzege asyrý qorytyndysy boıynsha básekege qabiletti jańa óndiristerdi qurý, óńirlerde jumys oryndarynyń sanyn ulǵaıtý, berilgen jáne jańadan qurylǵan uıymdardyń ónimdiligin joǵarylatý, óndiristi damytý jáne qosylǵan quny joǵary eksportqa baǵdarlanǵan otandyq ónimdi satý nátıjelerine qol jetkiziledi.
«Birtindep básekege neǵurlym qabiletti jáne qarjylaı turaqty kompanııalar jarǵylyq kapıtaldaǵy úlesin (aktsııalar paketteri) iske asyrý jolymen olardy ári qaraı básekelestik ortaǵa berý úshin irikteletin bolady», - dedi mınıstr.
