Jergilikti atqarýshy organdar menshik quqyǵyn tirkeýsiz kóptegen jer aktilerin bergen

NUR-SULTAN. QazAqparat - Jergilikti atqarýshy organdar menshik quqyǵyn tirkeýsiz kóptegen jer aktilerin bergen.

Bul týraly búgin Úkimet otyrysynda «Salyq jáne kedendik ákimshilendirý» taqyrybynda baıandama jasaǵan QR Premer-Mınıstriniń Birinshi orynbasary – Qarjy mınıstri Álıhan Smaıylov aıtty, dep habarlaıdy QazAqparat tilshisi.

«Aýyl sharýashylyǵy mınıstrliginiń júıesinde jer ýchaskeleri boıynsha 3,6 mln málimetterdiń 116 myńy jańartylyp jáne retke keltirildi. Sonymen birge jer aktilerin berý kezinde «maqsatty nysana» jikteýishiniń joqtyǵy salyqtardy avtomatty túrde esepteý protsesin qıyndatady«, - dedi Á.Smaıylov.

Osyǵan baılanysty ol Aýyl sharýashylyǵy mınıstrligi «maqsatty nysana» jikteýishin ázirleýi qajettigin aıtty.

«Al jergilikti atqarýshy organdar óz aqparattyq júıelerine jikteýishti engizýdi jáne jer ýchaskelerin berý kezinde jikteýishti paıdalanýdy qamtamasyz etýi tıis», - dedi ol.

Birinshi vıtse-premerdiń dereginshe, menshik quqyǵyn tirkeýsiz kóptegen jer aktilerdi berý jaǵdaılary bolǵan. Osyǵan baılanysty, jergilikti atqarýshy organdar jerge berilgen aktilerdi tirkeýdi qamtamasyz etý úshin tıisti sharalardy qabyldaýy qajet«, - dedi Á.Smaıylov.