Jerge uqsas planetalar bar ma – astronom Artýr Gaıdýk zertteý nátıjesimen bólisti

ASTANA. QazAqparat – Astanada ótip jatqan PRO.NRG FEST ǵylymı otbasylyq festıvali aıasynda astronom Artýr Gaıdýk Jerge uqsas ǵalamsharlardyń bar-joǵyna qatysty paıymymen bólisti, dep habarlaıdy QazAqparat tilshisi.

«Meni PRO.NRG FEST festıvaline alǵash ret shaqyryp otyr, buǵan óte qýanyshtymyn. Astronomııa men juldyzdar taqyryby bárine qyzyq. Astronomııaǵa degen qyzyǵýshylyqtyń artýy qýantady. Naryqtyq ekonomıkanyń arqasynda bizde áýesqoı teleskoptar shyǵarylyp jatyr. Olardy kóbi satyp alyp, balalaryna berip jatady. Kóp búldirshin ǵarysh týraly az bolsa da, faktilerdi biledi. Eger balanyń ǵarysh álemin zertteýge degen qushtarlyǵy bolsa, ony erte jastan baǵdarlaǵan jón», - dep atap ótti astronom Artýr Gaıdýk.

Sonymen qatar astronom kún júıesinen tys ornalasqan planetalar týraly aıtyp, Jerge uqsas ǵalamsharlardyń bar-joǵy týraly pikirin aıtty.

«Men óz baıandamamda Jerge uqsas planetalar týraly sóz ettim. Biz óz Jerimizge uqsas ǵalamsharlardy taba alamyz ba? Meniń zertteýime saı, bizdiń planetamyzǵa uqsas ǵalamsharlar bar», - dedi astronom.

Eske sala keteıik, búgin elordada balalar men eresekterge arnalǵan PRO.NRG FEST úlken ǵylymı otbasylyq festıvali ótip jatyr.