Jerge ornalastyrý qyzmeti tsıfrlandyrylýy jáne ashyq ótýi tıis – Ábilqaıyr Sqaqov
Oblystyq ákimdiktegi kezekti apparattyq jıyn barysynda jer resýrstaryn qoldaný tıimdiligine qatysty máseleler qarastyryldy.
Aımaq basshysy Pavlodar oblysynyń jerge ornalastyrý qyzmeti áli kúnge deıin qaǵaz boıynsha júrgiziletinine nazar aýdardy. Budan bólek, Ábilqaıyr Sqaqov jer aýktsıondaryn ótkizý tártibin qaıta qaraýdy tapsyrdy. Mundaı saýda-sattyq týraly aqparat 15 kún buryn qala jáne aýdan ákimdikterinde jáne jergilikti baspasóz basylymdarynda jarııalanady. - Saýda-sattyqtyń osyndaı túrine áleýetti satyp-alýshylar qatyspaıdy, sebebi tıisti habarlandyrý joq, - dedi oblys ákimi. – Sonyń nátıjesinde aýktsıonǵa on qatysýshynyń ornyna tek ekeýi ǵana shyǵady. Nelikten jer aýmaǵyn satý boıynsha saýda-sattyq kestesin bir jyl buryn jarııalamasqa? Bul aqparatty nege jasyrasyzdar? Halyq qandaı jer ýchaskeleri satylatynyn bilsin. Sonda olar bar qujattardy daıyndap úlgeredi, qarjylandyrý máselelerin sheshe alady. Eger básekelestik bolsa, jer resýrstary da birshama kóteriledi. Aldaǵy bolatyn saýda-sattyq bir aı buryn barlyq BAQ-ta jáne áleýmettik jelilerde jarııalanýy tıis. Bul úrdistiń ashyq ótýi mańyzdy. Tsıfrlandyrýdan bólek, ákim jer salasynda zamanaýı tehnologııalardy, onyń ishinde ǵaryshtan sýret túsirýdi qoldanýǵa kóńil bóldi. Bul quraldar jer resýrstarynyń tıimdiligin arttyryp, jer qoldanýshylarymen paıda bolatyn júıelik kemshilikterden aýlaq bolýǵa kómektesedi. Sonymen qatar Ábilqaıyr Sqaqov aýyldyq jerlerdegi jumysyn toqtatqan áleýmettik nysandardy taratýǵa tyıym saldy. Keıbir jaǵdaıda jeke kásipker keńes jyldary salynǵan, bos turǵan mektep jáne mádenıet úıin az aqshaǵa satyp ala alady.
- 200-300 myń teńge bıýdjettiń kiris bóligine esh paıda ákelmeıdi, - dedi Ábilqaıyr Sqaqov qala jáne aýdan ákimderine. – Mundaı áreketterińizben sizder tek jergilikti turǵyndardyń narazylyǵyn týdyrasyzdar. Onyń ornyna bul nysandardy qalpyna keltirip, jańa jumys oryndaryn ashatyn ınvestorlardy izdeńizder.