Jerge kometa jaqyndap keledi

ASTANA. KAZINFORM — C/2025 A6 (Lemmon) kometasy 21 qazanda Jerge jaqyndaıdy, dep habarlady Reseı ǵylym akademııasy ǵaryshtyq zertteýler ınstıtýtynyń Kún astronomııasy zerthanasy.

Kometa men Jer arasyndaǵy qashyqtyq 90 mıllıon shaqyrymǵa deıin qysqarady.

Ǵalymdardyń aıtýynsha, ǵarysh nysany kútkennen de jyldam jarqyrap jatyr. Qazan aıynyń basynda ol besinshi juldyz deńgeıine deıin ulǵaıady jáne dúrbi arqyly Jerden kórinedi.

Kometa qazirgi ýaqytta bizdiń planetamyzdan shamamen 200 mıllıon shaqyrym qashyqtyqta, kúnine ortasha eseppen 5 mıllıon shaqyrym jyldamdyqpen jaqyndaıdy. 3 qazanda Jer men kometa arasyndaǵy qashyqtyq 150 mıllıon kılometrge deıin qysqarady, al 21 qazanda Lemmon óziniń eń tómengi qashyqtyǵyna jetedi.

Kometanyń maksımaldy jaryqtyǵy qazan aıynyń aıaǵynda nemese qarashanyń basynda baıqalady. Kúnnen eki-tórt ese jaryq bolyp ketken quıryqty juldyzdy jaı kózben kórýge bolady.

Eske sala keteıik, 18 qyrkúıek kúni Jerge iri asteroıd jaqyndaıtyny jaıly jazǵan edik.