Jerge alyp asteroıd jaqyndap keledi

NUR-SULTAN. QazAqparat - 10 tamyz kúni 2006 QQ23 asteroıdy Jerge deıin 0,049 astronomııalyq birlikke (7,3 mıllıon km) ǵana jetpeı, saǵatyna 16 740 kılometr jyldamdyqpen ushyp ótedi, dep habarlaıdy «QazAqparat» HAA tilshisi NASA Reaktıvti qozǵalystar zerthanasynyń Jer mańyndaǵy nysandardy zertteý ortalyǵyna silteme jasap.

Jerge jaqyndap kele jatqan asteroıdtyń dıametri - 570 metr. Bul, Nıý-Iorktegi belgili Empaır-steıt-bıldıng (443 metr) munarasynyń bıiktiginen de úlken. Degenmen, dál qazirgi ýaqytta aspan denesi bizdiń ǵalamsharǵa eshqandaı qaýip tóndirmeıdi.

Aıta keteıik, Kún júıesinde úlkendigi bir kılometrden asatyn 900 jermańy nysany bar. ıAǵnı olar kólemi men salmaǵy jaǵynan 2006 QQ23 asteroıdynan áldeqaıda úlken.

NASA Jerge jaqyn ushyp ótetin kometalar men asteroıdtardyń ushý traektorııalaryna zertteý jumystaryn olar tikeleı qaýip tóndirip turǵandyqtan ǵana emes, sondaı-aq ol nysandardan bolashaqta qandaı qaýip tónýi múmkindigin anyqtaý úshin ótkizedi.

Jalpy, jyl saıyn orta eseppen 2006 QQ23 asteroıdynyń kólemimen para-par alty ǵarysh nysany Jerdi mańaılap ushyp ótedi.

Avtor: Sara Qabıqyzy