Jerdiń qunarly qabatyn sydyryp alǵan: pavlodarlyq sharýa jaýapqa tartyldy

PAVLODAR. KAZINFORM – Ol topyraqtyń qunarly bóligin óndiris úshin paıdalanbaqshy bolǵan. Oılanbaı jasaǵan áreketi úshin 2,6 mln teńge aıyppul tóleıdi.

Bul týraly óńirlik jer qatynastary basqarmasynan habarlady.

«Basqarma Aqqýly aýdanynyń turǵynynan túsken shaǵym negizinde tekseris júrgizdi. Anyqtalǵandaı, aýyl sharýashylyǵy taýaryn óndirýshi aýyl sharýashylyq maqsatyndaǵy jerdiń qunarly qabatyn sydyryp alǵan. Ol muny óziniń sharýashylyǵyndaǵy óndiris úshin paıdalanbaqshy bolǵan», - dep habarlady mekemeden.

Qunarly jerdi búldirgeni úshin sharýa ákimshilik jaýapkershilikke tartyldy. QR Ákimshilik quqyq buzýshylyq týraly kodekstiń 33-baby boıynsha kináli tulǵaǵa 700 aılyq eseptik kórsetkish kóleminde (2,6 mln teńge) aıyppul salyndy.