Jerdiń ońtústik jarty sharynyń turǵyndary kúnniń tolyqtaı tutylýyn kóre alady
ASTANA. Shildeniń 10-y. QazAqparat - Álemniń túkpir-túkpirinen bizdiń planetamyzdyń Ońtústik jarty sharynyń túrli elderine jarqyn astronomııalyq qubylys - kúnniń tolyqtaı tutylýyn kórý úshin astronomdar aǵylýda.
Mamandardyń aıtýynsha, Soltústik jarty sharda oryn alyp qalatyn kúnniń tutylý oqıǵalary ádette kóp qyzyǵýshylyq týǵyzady, óıtkeni bul jaqta eldi mekender men halyq sany kóp, al Ońtústik jarty sharda negizinen muhıttar men teńizder ornalasqan, sondyqtan munda áleýetti kórermender de kóp emes, dep habarlaıdy CyberSecurity.ru .
Ǵalymdardyń málimetine súıensek, kútilip otyrǵan kún tutylý Tynyq muhıtynyń ońtústigindegi Kýk araldarynda jergilikti ýaqyt 20:22-de bastalady, ony jergilikti turǵyndar anyq baqylaı alady. Sonymen qatar tutylýdy Avstralııanyń ońtústiginde saǵat 7:00 de óziniń shyńyna jetkende baqylaýǵa ábden bolady.
Avstralııalyq BAQ taratqan málimetterge súıensek, kún tutylýdy kórý úshin eldiń ońtústik aımaqtaryna bes júzden astam adam keldi. Astronomdardyń aıtýynsha, aldaǵy kún tutylýy - sońǵy 350 jyldaǵy ońtústik jartyshardaǵy birinshi kún tutylý oqıǵasy. Ońtústik jartyshardaǵy kelesi kún tutylý 2012 jylǵy qarashanyń 14-inde, al odan keıingisi tek 2028 jylǵy shildede bolmaq.
