Jerdiń ıgerilmeýiniń basty sebebi - turǵyn úı qurylystaryna berilgen jer telimderinde tıisti ınfraqurylymnyń bolmaýy
ASTANA. 5 qarasha. QazAqparat - Elimizdegi jerdiń ıgerilmeýiniń basty sebebi, turǵyn úı qurylystaryna berilgen jer telimderinde tıisti ınfraqurylymnyń bolmaýyna baılanysty oryn alǵan.
Bul týraly búgin Májiliste ótip jatqan Úkimet saǵatynda jer resýrstaryn basqarý agenttiginiń tóraǵasy Qadyrhan Otarov málim etti.
Agenttik tóraǵasynyń aıtýynsha, jerdi tıimdi ári utymdy paıdalanýdyń eń basty máselesi ony keshendi túgendeýge baılanysty bolyp tabylady.
«Aǵymdaǵy jyly elimizdegi jeke turǵyn úı qurylystaryna berilgen jer ýchaskelerin túgendeý jumystary júrgizildi. Respýblıka boıynsha túgendeý jumystary tolyq aıaqtalyp, ýchastoktardy zertteý jumystary 100 paıyzǵa oryndaldy»,-dedi Q. Otarov.
Onyń aıtýynsha, jerdi ıgermeýdiń basty sebebi, turǵyn úı qurylystaryna berilgen jerlerge tıisti ınfraqurylymnyń daıyn bolmaýyna baılanysty oryn alyp otyr.
«Qajetti ınfraqurylymnyń joqtyǵyn kóptegen óńirlerde eldi mekenderdiń bas josparynyń jáne olardy ıgerýdiń egjeı-tegjeıli josparlaýdyń bolmaýymen túsindiredi»,-dedi Agenttik tóraǵasy Q. Otarov.
