Jerdiń eń qart turǵyny Ýolter Brenıng Gınnestiń rekordtar kitabynan quttyqtaýlar qabyldady
ASTANA. Qyrkúıektiń 22-si. QazAqparat - AQSh-tyń Montana shtatynyń bir turǵyny keshe, qyrkúıektiń 21-inde óziniń 114-shi týǵan kúnin atap ótti.
Ýolter Brenıng Jer betindegi eń qart er azamat sanalady. Sondyqtan da, ony osynaý kezekti týǵan kúnimen tek Montana gýbernatory ǵana emes, Gınnestiń rekordtar kitabynyń ókilderi de quttyqtady, dep habarlaıdy ITAR-TASS agenttigi.
Qarııa 1896 jyly qyrkúıektiń 21-inde Mınnesota shtatynda týǵan, al Montanaǵa 1918 jyly kóship kelgen. Ol 50 jyldaı ýaqyt "Greıt nozern reılýeı" temirjol kompanııasynda jumys istegen. Ol kisiniń zaıyby Agnes 1957 jyly dúnıeden ozǵan. Balalary bolmaǵan.
