Jerdi utymdy paıdalaný qaǵıdalaryn saqtamaǵandar jerinen aıyrylady - QR AShM
Onyń málimetinshe, jerdi utymdy paıdalanýdy baqylaý 2011 jyly qabyldanǵan aýyl sharýashylyǵy maqsatyndaǵy jerdi utymdy paıdalaný qaǵıdalaryna sáıkes júrgiziledi. Sonymen qatar, QR Aýyl sharýashylyǵy mınıstrligi QR Óńirlik damý mınıstrligimen birlese otyryp, jerdi utymdy paıdalaný ólshemderin naqtylaý bóliginde jer zańnamasyn odan ári jetildirý boıynsha jumys júrgizýde.
«Osy jumystardyń nátıjesinde aýyl sharýashylyǵy maqsatyndaǵy jerdi utymdy paıdalanýǵa qoıylatyn qosymsha talaptar engiziletin bolady. Máselen, aýyspaly egisterdi saqtaý, agrotehnıkalyq jáne agrohımııalyq, fıtosanıtarlyq jáne melıoratsııalyq is-sharalar júrgizý, jaıylym aınalymyn saqtaý jáne t.b. sııaqty qosymshalardy atap ótýge bolady»,- dedi A. Máýlenov.
Sonymen qatar, onyń aıtýynsha, jerdi utymdy paıdalaný talaptaryn saqtamaǵany úshin jaýapkershilikti artyrý sharalary da kózdelip otyr.
«Jer kodeksiniń 93-babyna aýyl sharýashylyǵy maqsatyndaǵy jerdi utymdy paıdalaný qaǵıdalaryn saqtamaý ony alyp qoıýǵa negiz bolýy múmkin jónindegi norma engizý, sondaı-aq, josyqsyz jer ýchaskeleri ıeleri men jerdi paıdalanýshylar tizilimin júrgizý, jerdi josyqsyz paıdalanýshylarǵa bergizbeý maqsatynda sharýa nemese fermer qojalyǵyn júrgizýge arnalǵan jer ýchaskelerin kezeńmen berý sııaqty ózgerister engiziledi»,- dedi A. Máýlenov.
Aıta ketý kerek, qazirgi ýaqytta zań jobasy QR Parlamentiniń qaraýynda jatyr.