Jerdi sońǵy úsh jyldaǵy eń kúshti magnıt daýyly basty
ASTANA. Sáýirdiń 7-si. QazAqparat - Jer betin sońǵy úsh jyldaǵy eń qýatty magnıt daýyly basty. Mamandardyń naqtylaýynsha, bul qubylys sáýirdiń 8-ine deıin jalǵasady, sodan keıin geomagnıttik jaǵdaı qaıta qalpyna kelýi kerek, dep habarlaıdy «Maıak» radıosy.
Bul qubylys Jer turǵyndaryn biraz ábirjitýi múmkin. Bul elektrondyq apparatýralar, kólik jáne baılanys quraldaryna «syn saǵaty» týatyn kez. Magnıt daýyly gıpertonıkterge áser etýi múmkin. Dárigerlerdiń aıtýynsha, kóbirek demalý jáne uıyqtaý, densaýlyqtaǵy jaısyzdyqtardyń aldyn alýǵa kómektesetin kórinedi.
Magnıt daýyly Kúndegi jarylys qubylystary kezinde, ıaǵnı Kúndegi otalystar kezinde paıda bolady. Kún bólshekteriniń tasqyny 400-1000 km/s jyldamdyqpen zaýlap ,ózderin týǵyzǵan Kún betindegi ystyq gazdardyń otalysynan 1-2 kún ótkennen keıin Jerge kelip jetedi. Osyndaı kúshti korpýskýlalyq tasqyn Jerdiń magnıt órisin uıytqytady. Magnıt órisiniń ózgeris-sıpaty tez jáne oqys qubylady, osyny magnıt daýyly deıdi.
