Jerdi qarý-jaraq qoımalaryna jaqyn bermeý kerek - mınıstr Jasuzaqov
ASTANA. QazAqparat - Úkimettiń búgingi otyrysynda QR Qorǵanys mınıstri Sáken Jasuzaqov jer ýchaskelerin qarý-jaraq qoımalaryna jaqyn bermeý qajettigin eske saldy, dep xabarlaıdy QazAqparat tilshisi.
"Men ákimderge bir máseleni jetkizeıin dep edim. Qazir zań boıynsha keıbir nysandar, ásirese, qarý-jaraq qoımalary aınalasyndaǵy qaýipsizdik aımaqtary anyqtalǵan. Sondyqtan jergilikti jerde xalyqqa jer ýchaskelerin bergende osyny ekserýdi suraımyn. Sebebi jeke turǵyn úılerdi salamyz dep, olar qarý-jaraq qoımalaryna jaqyndap keledi. Al bizdegi qoımalarda joıqyn qarý-jaraqtar bar, qandaı da bir dıversııalyq áreketter kezinde xalyqqa da, qurylys nysandaryna da qaýip tónýi ábden múmkin", - deıdi Jasuzaqov.
Aıta keteıik, búgingi otyrysta QR Ulttyq qaýipsizdik komıteti tóraǵasynyń orynbasary Nurǵalı Bilisbekov Sankt-Peterbýrgtaǵy terraktige qatysty buqaralyq aqparat quraldarynda tarap júrgen aqparatqa túsinikteme berdi. https://kaz.inform.kz/news/maksim-aryshevtyn-terraktige-katysy-zhok-kr-ukk_a3013812
