Jerdi aınalyp shyqpaq bolǵan tuńǵysh ushqysh áıeldiń múrdesi izdestirilip jatyr
ASTANA. 2 shilde. QazAqparat - Amelııa Erhart - Ekvator boıymen Jerdi aınalyp shyqpaq bolǵan alǵashqy ushqysh áıel.
Alaıda ol óz josparyn júzege asyra alǵan joq. 1937 jyly 2 shildede Erhart ushaqpen Lae qalasynan Papýa-Jańa Gvıneıaǵa Atlant muhıty arqyly ushyp bara jatqan kezde joǵalyp ketken. Ǵalymdardyń boljamynsha, ol qurlyqta mert bolǵan. Biraq máıiti tabylmaǵan.
2012 jyly ushaqta onyń sońǵy ret ushqanyna 75 jyl tolǵanyna oraı uıymdastyrylǵan ekspedıtsııa Erharttyń izin tabýǵa nıettenip otyr, dep habarlaıdy «Rýsskaıa slýjba BBC» .
Ǵalymdar qazirgi kezde ushqysh áıel qaza tapqan Kırabıtıdegi Nıkýmaroro atolly aýdanyndaǵy Gavaı araldarynda izdestirý jumystaryn júrgizip jatyr. Degenmen eki motorly «Lokhıd-Elektra» ushaǵy janarmaıy taýsylyp, muhıtqa qulaǵa da bolýy yqtımal degen pikirler de joq emes.
Eske sala ketsek, Erhart birneshe rekordtyń ıesi jáne 1932 jyly Atlantıkany jalǵyz kesip ótken alǵashqy áıel.
