Jerde sońǵy úsh aıdaǵy eń kúshti magnıttik daýyl tirkeldi
ASTANA. KAZINFORM — 10 qazan kúni keshke bastalǵan magnıttik daýyl sońǵy úsh aıdaǵy eń kúshti qubylysqa aınaldy, dep habarlaıdy TASS.
Bul týraly Reseı Ǵylym akademııasynyń Ǵaryshtyq zertteýler ınstıtýty men Sibir bólimshesiniń Kún-jer fızıkasy ınstıtýty janyndaǵy Kún astronomııasy zerthanasynyń mamandary málimdegen.
— Jerde sońǵy úsh aıdaǵy eń kúshti magnıttik daýyl bolyp jatyr. Mundaı kúshti magnıttik daýyl sońǵy ret 2026 jylǵy 4 shildede baıqalǵan, — delingen habarlamada.
Ǵalymdardyń aıtýynsha, geomagnıttik aýytqýlarǵa apta basynda Kún belsendiliginiń kúrt artýy saldarynan ǵaryshqa taraǵan plazma bulttarynyń Jerge jetýi sebep bolǵan.
Qazir magnıttik daýyldyń qarqyndylyǵy 5 baldyq shkala boıynsha G3 deńgeıine jetken. Bul — kúshti magnıttik daýyl sanatyna jatady.
Aıta keteıik, birneshe kún buryn Kúnde qýatty jarqyl tirkelgen bolatyn.
