Jerasty sý qorlarynyń rastalmaýy «Aq bulaq» baǵdarlamasyndaǵy basty problemanyń birine aınalyp otyr
ASTANA. 19 naýryz. QazAqparat - «Aq bulaq» baǵdarlamasyn iske asyrýdaǵy problemalyq máselelerdiń biri - jerasty sý qorlarynyń rastalmaýy.
Osy túıtkil 2013-2015 jyldary sý qubyry jelilerin salý jáne jańǵyrtý jónindegi daıyndalǵan basym jobalardy júzege asyrýǵa kedirgi keltirýi múmkin. Búgin QR Parlamenti Májilisindegi Úkimet saǵatynda Qurylys jáne turǵyn úı kommýnaldyq-sharýashylyq isteri agenttiginiń tóraǵasy Serik Nokın osylaı málim etti.
Atalǵan problemaǵa qatysty agenttik tóraǵasy Serik Nokın múddeli memlekettik organdarmen birlesip birqatar qosymsha sharalar qabyldaý úshin usynystar ázirleý qajet dep sanaıtynyn jetkizdi.
«Atap aıtqanda, jerasty sýlaryn ýaqytynda rastaý, barlaý jáne qaıta baǵalaý qajet. Sonymen qatar, sý qubyry jáne káriz jelilerin salýǵa jáne qaıta jańartýǵa arnalǵan jobalaý-smetalyq qujattamany ázirleý boıynsha qarjylandyrýdy arttyrý tıis. Budan bólek, sý sharýashylyǵy kásiporyndaryn qalpyna keltirýdiń de mańyzy zor», - dedi S. Nokın.
