Jerasty sýlaryn keshendi paıdalaný tujyrymdamasy ázirlenip jatyr
ASTANA. KAZINFORM — Jerasty sýlaryn keshendi paıdalaný tujyrymdamasy ázirlenip jatyr. Bul týraly Senat depýtattarynyń saýalyna Premer-mınıstr Oljas Bektenovtiń jaýabynda aıtylǵan.
— Sý resýrstary jáne ırrıgatsııa mınıstrligi Qazaqstan Respýblıkasynyń jerasty sýlaryn keshendi paıdalaný tujyrymdamasyn ázirleýdi bastady. Ol uzaq merzimdi basymdyqtardy, jerasty sýlaryn ekonomıkaǵa tartý tetikterin, ekologııalyq jáne sharýashylyq múddeler teńgerimin, sondaı-aq qarjylandyrý kózderi men kólemin aıqyndaıdy, — dedi Úkimet basshysy.
Onyń málimetinshe, 2026 jylǵy 13 aqpanda Qazgıdrogeologııa ǵylymı qoǵamdastyq ókilderimen jáne óńirlik gıdrogeologııalyq uıymdardyń basshylarymen «2027-2040 jyldarǵa arnalǵan Qazaqstan Respýblıkasy jerasty sýlaryn keshendi paıdalaný jáne basqarý tujyrymdamasy» jobasyn talqylaý boıynsha dóńgelek ústel ótkizdi.
— Іs-shara barysynda qujattyń árbir bólimi boıynsha kelisilgen tásilder ázirlenip, sarapshylar qaýymdastyǵynyń usynystary jınaqtaldy. Salany damytýdyń basym baǵyttary aıqyndaldy jáne jerasty sý resýrstaryn basqarýǵa keshendi ári ǵylymı negizdelgen tásildiń qajettiligi rastaldy, — dedi Oljas Bektenov.
Aıta keteıik, elimizde barlanǵan jerasty sýlarynyń 3,5 paıyzy ǵana paıdalanylady.