Jerar Goýdyń bas kıimin urlaǵan 15 jastaǵy atyraýlyq bolyp shyqty
ASTANA. QazAqparat - «Qaırat» fýtbol klýbynyń shabýylshysy Kot-d-Ivýar eliniń azamaty Jerar Goýdyń bas kıimin urlaǵan Atyraý qalasynyń 15 jastaǵy turǵyny bolyp shyqty, dep habarlaıdy QazAqparat tilshisi.
Buǵan deıin habarlaǵanymyzdaı, 6 mamyr kúni qalyń jankúıerdiń kózinshe belgisiz bireý «Qaırat» FK-nyń shabýylshysy Jerar Goýdyń basynan qalpaǵyn julyp áketti. Fýtbolshynyń bas kıiminiń urlanǵanyn kópshilik áleýmettik jeliler arqyly bildi.
«Zardap shegýshiden bas kıiminiń urlanǵany týraly aryz túspese de, №1 qalalyq polıtsııa bóliminiń qyzmetkerleri tekserýdi bastady. Vıdeoǵa túsip qalǵan ury anyqtaldy. Ol 15 jastaǵy jetkinshek. Biraq odan bas kıimdi alý múmkin bolmady. Іstegen isinen qoryqqannan ony birden laqtyryp jiberdi. QR Qylmystyq kodeksiniń 191-baby, 1-bólimi boıynsha sotaldy tergeý júrgizilýde», - dep habarlady oblystyq ІІD-niń baspasóz qyzmetinen.
Málim bolǵandaı, jasóspirim buǵan deıin jaýapkershilikke tartylmaǵan. Degenmen de, ol ıývenaldy polıtsııanyń tirkeýine alyndy. Qaraý jáne sheshim shyǵarý úshin materıal Atyraý qalasy ákiminiń janyndaǵy kámelettik jasqa tolmaǵandar isteri jónindegi komıssııaǵa joldandy.
