Jerar Goý «Qaırat» komandasynan ketetin boldy
ASTANA. QazAqparat - Almatylyq «Qaırattyń» Ivýarlyq shabýyldaýshysy Jerer Goý komandadan ketetinin málimdedi, dep habarlaıdy Sports.kz.
«Men qazaq halqynan bastap, barlyǵyna alǵys aıtqym keledi!. Men Sizderdiń barlyqtaryńyzdy jaqsy kóremin. Sizder meni óz jaqyndaryńyzdaı etip qabyldadyńyzdar. Fýtbolǵa tánti azamattarǵa, Qazaqstannyń fýtbol federatsııasyna rahmet! Men bizdi qıyn-qystaý kúnderde de, qýanyshta qoldap kelgen barlyq jankúıerlerge alǵys bildirgim keledi. Meniń barlyq áriptesterime myń alǵys. Biz barlyǵymyz birigip, jankúıerlerdiń kóńili úshin, qazaqstandyq fýtboldyń deńgeıin kóterý úshin jumys istedik. Men «Qaıratty» eshqashan da umytpaımyn. Ásirese klýb prezıdentin, ol meni óziniń balasyndaı qabyldap, fýtbol oınap, ózimniń múmkindigimdi kórsetýge jaǵdaı jasady. Men osy habarlama arqyly «Qaırat» komandasyna jolymyzdyń aıyrylysatynyn jetkizgim keledi. Men qazaq fýtbolyna qýanysh syılaý úshin áli oralamyn degen úmittemin»,-dep jazdy Goý.
