Jerar Deparde jynystyq zorlyq jasady degen aıyppen qamaýǵa alyndy

ASTANA. KAZINFORM — Frantsııalyq akter Jerar Deparde seksýaldy zorlyq kórsetti degen aıyppen jaýap alý úshin Parıjge shaqyryldy, dep habarlaıdy BFMTV telearnasy.  

Tanymal akter eki áıelge jynystyq zorlyq-zombylyq jasady degen aıyptar boıynsha jaýapqa tartylyp jatyr.  

Birinshi oqıǵa 2014 jyly «Sıqyrshy jáne sıamdyqtar» fılminiń túsirilim alańynda, al ekinshisi 2021 jyly «Jasyl qaqpalar» fılminiń túsirilim alańynda bolǵany atap ótildi.

Deparde ózine taǵylǵan búkil aıypty joqqa shyǵaryp otyr. 

Aqpan aıynda akterge seksýaldy qysym jasady degen aıyp taǵylǵan bolatyn. 

53 jastaǵy Amelı akterdiń ony 2021 jyly ustap alyp, keýdesine qolyn tıgizgenin málimdedi. 

Onyń aıtýynsha, bul «Jasyl qaqpalar» fılminiń túsirilimi kezinde bolǵan.

Ol Parıj prokýratýrasyna shaǵym túsirdi.