Jerar Deparde Máskeýde meıramhana ashpaq
ASTANA. QazAqparat - Jerar Deparde kúzde Máskeýde «Jerar» atty meıramhana ashýdy josparlaýda, dep habarlady Euromag.ru.
Meıramhanada frantsýz jáne orys ashanasynyń taǵamdary usynylady. Endi Jerar Deparde ózi resmı tirkeýden ótken Sankt-Peterbýrgte, sondaı-aq Saran qalalarynda meıramhana ashýdy josparlap otyr.
Akterdiń jekemenshik sharap ónerkásibi men «Jerar qoımasy» atty sharap satatyn saýda dúńgirshegi, sonymen birge Parıjde, Belgııada úsh saýda núktesi bar. Eske sala keteıik, Frantsııa premer-mınıstri Jan-Mark Ero Jerar Depardeniń óz elinde salyq kóp bolǵandyqtan Belgııaǵa kóship ketý týraly sheshimin synaǵannan keıin, óner ıesi frantsýzdyq azamattyqtan bas tartýdy jón sanady. Sol kezde el prezıdenti Fransýa Olland baı frantsýzdar úshin kiriske 75 paıyz salyq engizýdi kózdegen edi. Jerar Deparde Reseıge kóship kelip, ótken jyldyń 1 qańtarynan bastap Reseı azamattyǵyn aldy. Tólqujatty Vladımır Pýtınniń ózi tabys etken edi.
