Jer jyrtyp júrgen traktorshy salmaǵy 100 keli bomba taýyp aldy
ASTANA. QazAqparat - Prımore qutqarýshylary jer jyrtyp júrgen traktorshy taýyp alǵan salmaǵy 100 keli avıabombany joıdy.
Bul týraly Reseı TJM Amýr qutqarý ortalyǵynyń baspasóz qyzmeti habarlady.
«Senbi kúni Reseı TJM Amýr qutqarý ortalyǵynyń qutqarýshylar toby pırotehnıkalyq jáne jarý jumystary arqyly Prımore ólkesindegi Vozdvıjenka stansasy men Stepnoe eldi mekeni arasyndaǵy egistikten tabylǵan jaryqshaqty-fýgasty avıatsııalyq bombany zalalsyzdandyrdy»,-delingen habarlamada.
Avıabombany joıý úshin mamandar bastyrma oqtamdy trotıldi paıdalanǵan. Bul jerde buryn áskerı polıgon bolǵan.
Oq-dári tabylǵan aýmaq qorshalyp, polıtsııa jasaǵy qoıyldy.
Jergilikti turǵyndarǵa qaýipti zat týraly habarlanyp, saqtyq sharalaryn saqtaý qajettigi eskertildi.
