Jer júzindegi eń kári mysyq 31 jasqa toldy
ASTANA. QazAqparat - Irlandııada turatyn Mýskat esimdi mysyq 31 jasqa toldy. Ol - Jerdegi eń kári mysyq. Oǵan qojaıyndary merekelik tort syılady, dep jazady «Habar 24».
Bul otbasyna mysyq 5 jasynda, 1990 jyly kelgen. Onyń uzaq jasaǵanyn rastaıtyn qujattar bolmaǵandyqtan úı janýary Gınnestiń rekordtar kitabyna engen joq. Mýskat byltyr ınsýlt alǵan eken. Alaıda qazirgi ýaqytta ol tolyqtaı emdelgen, jaǵdaıy jaqsy.
Budan buryn Japonııada mysyqtar men ıtterdiń ómir uzaqtyǵy tarıhı rekord ornatqany týraly habarlanǵan edi. Mundaı qorytyndyny Tokıo ýnıversıtetiniń aýyl sharýashylyǵy zertteýshileri jáne Veterınarlar assotsıatsııasy sarapshylary shyǵardy.
Japondyqtardyń zertteýi boıynsha ıtter 14 jas, al mysyqtar 12 jas jasaıdy eken.
