Jer ýchaskesine qatysty sheshimderdi onlaın alýǵa bolady

ASTANA.KAZINFORM - AShM Jer resýrstaryn basqarý komıteti jer qatynastary salasynda jańa memlekettik qyzmetterdi iske qosty. 

AShM baspasóz qyzmetiniń málimetinshe 2026 jylǵy qańtar aıynan bastap eGov.kz portalynda jer ýchaskesin jaldaý merzimin uzartý, jer ýchaskesin jeke menshikke birjolǵy tólemmen nemese bólip tóleý arqyly satý, sondaı-aq jer ýchaskesiniń nysanaly maqsatyn ózgertý týraly sheshim berý memlekettik qyzmetteri qoljetimdi boldy.

Atalǵan jańa servıster memlekettik qyzmetterdi alý úderisin jeńildetýge, kórsetý merzimderin qysqartýǵa, sondaı-aq jer qatynastary salasyndaǵy rásimderdiń ashyqtyǵyn qamtamasyz etýge baǵyttalǵan.

Elektrondyq qyzmetterdi iske qosý Aýyl sharýashylyǵy mınıstrliginiń Jer resýrstaryn basqarý komıteti men Jasandy ıntellekt jáne tsıfrlyq damý mınıstrliginiń birlesken jumysy aıasynda júzege asyryldy.

Aıta ketelik Almatyda jelatın men kollagen óndiretin zaýyttyń qurylysy bastaldy.