Jer ýchaskesin jalǵa alý merzimin uzartý erejesi ózgertildi

ASTANA. KAZINFORM – «Jer ýchaskesin jalǵa alý merzimin uzartý» memlekettik qyzmetine ózgertýler engizildi jáne azamattardyń quqyǵy keńeıtildi.

Qostanaı oblystyq memlekettik qyzmet isteri departamentiniń málimetinshe, buryndary aýyl sharýashylyǵy aınalymyndaǵy nemese qurylysqa arnalǵan jer ýchaskesin jalǵa alý merzimin uzartýǵa bolatyn. Endi ǵımarattar nemese qurlystar syndy túrli nysandardy ornalastyrý ne qyzmet kórsetý úshin jer ýchaskesin jalǵa alý merzimin uzartýǵa múmkindik berilip otyr. Mundaı ózgertýler Qostanaı oblystyq memlekettik qyzmet isteri departamentiniń usynysyn eskere otyryp ázirlendi jáne respýblıkalyq deńgeıde maquldandy.

- Munan bólek, atalǵan qyzmetterdi kórsetetin uıymdar tizimi keńeıtildi. Buryn munymen tek aýdandyq jáne qalalyq ákimdik aınalysatyn. Endi ótinimderdi eldi mekender, aýyldar men aýyldyq okrýgter de qabyldaı alady, - dep atap ótedi vedomstvodan.

Sonymen qatar ótinimderdi qaraý merzimindegi túsinbeýshiler joıyldy. Buryn Jer kodeksinde jáne erejelerde túrli merzimder – 8 jáne 13 jumys kúni dep kórsetilgen edi. Endi olar da bir standartqa keltirildi. Ótinim 8 jumys kúninen aspaıtyn merzimde qaralýy tıis.

Aıta keteıik, Şýche kóli jaǵalaýyndaǵy 53,4 mln teńgeniń jer ýchaskesi memleketke qaıtaryldy.