Jer ýchaskesine qatysty 3 jańa qyzmetti onlaın alýǵa bolady

NUR-SULTAN. QazAqparat - Jer ýchaskesiniń kadastrlyq qunyn anyqtaý, jaı-kúıi týraly málimet alý jáne jobalanatyn jer ýchaskesiniń josparyn kelisýdi eGov.kz portalynda úıden shyqpaı-aq alýǵa bolady, dep habarlaıdy QazAqparat «Ulttyq aqparattyq tehnologııalar» AQ baspasóz qyzmetine silteme jasap.

Atalmysh qyzmetterdi alý úshin paıdalanýshy portalǵa kirip, «Jyljymaıtyn múlik» salymynda úsh qyzmettiń birin tańdaý qajet. Sodan soń portalda kórsetilgen qadamdyq protseske sáıkes ótinimdi avtorlandyrýý jáne toltyrý qajet.

Aıta ketý kerek, kadastrlyq (baǵalaý) qunyn anyqtaý jáne sapalyq jaǵdaıy týraly málimetterdi ýchaskeńizge nemese Memlekettik jer kadastrynyń avtomattandyrylǵan aqparattyq júıesi portalyndaǵy elektrondyq josparda kórsetilgen aýmaqqa da alýǵa bolady.

«Biz negizgi málimetterdi barynsha qamtýǵa jáne ótinim berý protsesin jeńildetýge tyrystyq. Paıdalanýshy tek tizimnen bir tarmaqty tańdap, tólem jasap, qajetti qujattardy salyp, ETsQ-men qol qoıý qajet» - dep túsindirdi «Ulttyq aqparattyq tehnologııalar» AQ basqarma tóraǵasy Áset Turysov.

Kórsetiletin qyzmetti alý barysynda ótinish berýshiniń qoldanystaǵy quqyqtary tirkelgen jer kadastrynyń aqparattyq júıesi portalynda elektrondy josparda kórsetilgen barlyq jer ýchaskesi men aýmaq týraly aqparat avtomatty túrde tartylady. Tizimnen ýchaskeniń birin tańdaý qajet.

Suraý salý portalǵa tikeleı túsedi. Suraýǵa berilgen jaýappen paıdalanýshynyń jeke kabınetinde tanysýǵa bolady. Nysanaly maqsatyna, ýchaskeniń aýdanyna jáne jumys kólemine baılanysty tólem somasy anyqtalady, ony elektrondyq úkimettiń tólem shlıýzi arqyly júrgizýge bolady.

Jańa qyzmetter: Jer ýchaskesiniń kadastrlyq qunyn anyqtaý. Jer ýchaskesiniń sapalyq jaǵdaıy týraly málimetterdi usyný, Memlekettik jer kadastrynyń avtomattandyrylǵan aqparattyq júıesiniń grafıkalyq derekteri boıynsha jobalanatyn jer ýchaskesin kelisý.