Jer ýchaskeleri men jyljymaıtyn múlik nysandary týraly derekter biriktiriledi
«Kásipkerlerge jer bólýdiń ashyqtyǵy men jedeldigin qamtamasyz etý boıynsha qoıylǵan mindetter aıasynda «Qazaqstan Respýblıkasynyń keıbir zańnamalyq aktilerine jyljymaıtyn múliktiń biryńǵaı memlekettik kadastry sheńberinde memlekettik qyzmetterdi tsıfrlandyrý máseleleri boıynsha ózgerister men tolyqtyrýlar engizý týraly» Zań jobasy ázirlenip, Parlamentke engizildi. Sondaı-aq bos jer ýchaskeleri, jyljymaıtyn múlik nysandary týraly qolda bar derekterdi biryńǵaı derekqorǵa biriktirý josparlanýda», - dedi Erbol Qarashókeev.
Mınıstrdiń aıtýynsha, aýyl sharýashylyǵy boıynsha bytyrańqy aqparatty Biryńǵaı tsıfrlyq platformaǵa biriktirý jumysy bastaldy.
«Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip, tıisti jol kartasy ázirlenip, bekitildi. Sondaı-aq osy málimetterdiń ázirligine qaraı sý resýrstary boıynsha Ekologııa, geologııa jáne tabıǵı resýrstar mınıstrligimen yqpaldasý josparlanyp otyr», - dedi ol.
