«Jer ýaqyty» aktsııasyna Qazaqstanyń 60-tan astam qalasy qatysady
ASTANA. 29 naýryz. QazAqparat - 31 naýryz kúni jergilikti ýaqyt boıynsha saǵat 20.30-da búkil álemmen birge Qazaqstan da «Jer ýaqyty» sharasyn ótkizedi. Atalǵan aktsııaǵa elimizdiń 60-tan astam qalasy, onyń ishinde Astana, Almaty, Shymkent, Pavlodar, Aqtaý, Aqtóbe, Óskemen syndy shaharlar da qatyspaq.
Aǵymdaǵy jyly shara aıasynda búkil álemniń tanymal sáýlet eskertkishteri elektr jaryqtaryn sóndirmek. Astanada da «Báıterek», «Máńgilik el» syndy 100-den astam nysandaǵy shamdar 1 saǵatqa óshiriledi dep kútilýde.
«Parıjdegi Eıfel munarasy, Berlındegi Brandenbýrg qaqpasy, sondaı-aq ıÝNESKO-nyń mádenı mura nysandary bolyp tabylatyn Danııadaǵy Kronbor saraıy, Pákistandaǵy Ulttyq kesene de álemdegi mıllıardtaǵan adamdarǵa qosylyp, jaryqtaryn óshiredi», - delingen Búkilálemdik jabaıy tabıǵat qorynyń (WWF) aqparatynda.
Aıta keterligi, bul aktsııaǵa elimizde jańa qatysýshylar qosylǵan. Solardyń biri retinde respýblıkanyń kóptegen qalalarynda ótkiziletin velosherýdi atap ótýge bolady. Al Aqtaý qalasynda myńdaǵan adamnnyń basyn qosatyn shara barysynda «Librium», «AlterEgo» jáne «Art Band» rok toptary óner kórsetip, túrli baıqaýlar uıymdastyrylmaq.
«Sońǵy 5 jyldyń ishinde tanymaldyǵy kúrt artyp kele jatqan «Jer ýaqyty» sharasy júzdegen mıllıon adamnyń bizdiń ǵalamshardy qorǵaý isine qosar óz úlesterin arttyrǵysy keletindigin dáleldeıdi», - dedi atalǵan aktsııanyń elimizde jáne Ortalyq Azııada ótýine uıytqy bolyp júrgenderdiń biri Alan Besenov.
