Jer turǵyndarynyń sany 7,2 mıllıardqa jetti

Bir jyldyń ishinde, ıaǵnı 2013 jyly adam sany  77 630 563-ǵa (nemese 1,1% -ǵa) artqan eken. Mundaı statıstıkany usynyp otyrǵan - AQSh-tyń kóshirme bıýrosy.
Ǵalamshar turǵyndarynyń sanyn kóbeıtýge eń kóp at salysqan - Úndistan halqy. Olardyń sany 15,6 mıllıonǵa kóbeıgen. Úndistan osylaısha ósý jóninen Qytaıdy, Nıgerııany, Pákistandy jáne Efıopııany artqa qaldyrdy.
Esterińizge sala keteıik, Jer turǵyndary 2012 jyly 7 mıllıard adamǵa jetken bolatyn. 2025 jyly bul kórsetkish 8 mıllıradqa jetedi degen boljam bar.
AQSh turǵyndarynyń sany 317, 3 mıllıon, Reseı halqy 143,5 mıllıon bolsa, 2013 jyldyń qazan aıyndaǵy esep boıynsha, Qazaqstan halqynyń sany  17 075,7 myńdy kórsetken. Onyń ishinde qala halqy -  9 384,6 myń (55%), aýyl halqy - 7691,1 myń (45%) eken.
XXI ǵasyrdyń ortasynda halyq sany 15%-ǵa qysqaratyn elderdiń qatarynda Ýkraına,Reseı, Belorýsııa, Bolgarııa, Kýba Rýmynııa bar. 
Al halyq sany jóninen árdaıym kósh bastap kele jatqan Qytaı jáne Úndistan 2028 jyly 1,45 mıllıard adamǵa jetip, teńesedi. Sonan keıin qytaılyqtar azaıyp, úndister kerisinshe kóbeıe túsedi degen boljamdar jıi aıtylyp júr.
Qazirgi tańda Úndistan memleketi halyq sany jaǵynan álemde ekinshi orynda tur. Naqtyraq aıtsaq, Úndistandaǵy jalpy halyq sany - 1,21 mlrd adam. Bul Jer planetasynyń 17%-yn quraıdy. Osydan tup-týra 60 jyl buryn, Ulybrıtanııa bodandyǵynan bosap,  óz táýelsizdigin jarııalaǵan jyldary Úndistannyń halyq sany 350 mln. adamdy ǵana kórsetken eken. Alpys jyl ishinde úndistandyq azamattardyń sany úsh esege ósken. 
Al Jer turǵyndarynyń qartaıý úrdisi birneshe jyl boıy bir qalypta bolatyndyǵymen, 2100 jyly 60 jastaǵy adamdardyń sany 3 mıllıardqa jetedi dep kútilýde, dep jazady massaget.kz.