Jer turǵyndaryn 30 aıazdy qys kútip otyr
ASTANA. QazAqparat - Aldaǵy jyldary Jerde shamamen 30 jylǵa sozylatyn sýyq klımattyq tsıkl bastalady. Bul kezde ortasha temperatýra bir jarym - eki gradýsqa tómendeıdi. Bul týraly RǴA SB Túmen ǵylymı ortalyǵynyń tóraǵasy akademık Vladımır Melnıkov habarlady.
Melnıkovtyń sózine qaraǵanda, temperatýranyń tómendeýi adam densaýlyǵyna teris áser etpeıdi. Kerisinshe, akademıktiń paıymynsha, kúnniń sýytýy synynan adamdar da, janýarlar da ótetinin aıtty.
"Kóne zamanda, adamdarda sýyqtan saqtaný jaraqtary bolmaǵan kezde qaıǵyly aıaqtaldy. Janýarlardyń keı túrleri qyryldy. Alaıda ol kezderdegi aıazdyń aýqymy da, uzaqtyǵy da ózgeshe boldy. Ony qazirgi zamandikimen salystyrýǵa bolmaıdy", - dedi ǵalym.
AQSh muhıt pen atmosferany zertteý boıynsha Ulttyq basqarmasynyń ǵalymdary zertteý júrgizip, reseılik sınoptıkterdiń Jerge sýyq tsıkl keletini jónindegi boljamdary shyndyqqa janasady degen tujyrymǵa keldi. Alaıda, olardyń aıtýynsha temperatýranyń tómendeýimen qatar jahandyq jylý da oryn almaq, dep jazdy Ýtro.rý .
Osyǵan deıin meteorologtar bıylǵy qys mezgilinde aýa temperatýrasy barynsha normaǵa sáıkes bolatynyn aıtty. Reseıdiń eýropalyq bóliginde ótken jylǵa qaraǵanda sýyǵyraq bolady, dedi Reseıgıdromet basshysy Aleksandr Frolov.
Buǵan deıin mundaı boljamdy RF Gıdrometeorologııalyq ortalyǵynyń basshysy Roman Vılfand aıtqan edi. Onyń sózine qaraǵanda, aldaǵy qysta qatty aıaz bolmaıdy.
Sonymen qatar Vılfand boljam ózgerýi múmkin ekenin jetkizdi. Onyń dáldigi tek 70% quraıdy eken.
