Jer turǵyndary túrli túske boıalǵan «tańǵajaıyp» bultty tamashalady
ASTANA. QazAqparat - Kosta-Rıka turǵyny erekshe tabıǵı qubylysty baqylaǵan. Aspanda jaryq sáýle shashqan bult túrli túske enip qubyldy.
Biri bultty ushatyn tarelka dese, endi biri soltústik shuǵylasyna balady. Úshinshisi bul tylsym álemniń tańǵajaıyp belgisi ekenine senimdi. Kosta-Rıka aspanyn nurlandyrǵan bul qubylys eldiń táýelsizdik kúninde boldy.
Keremet oqıǵany tamashalaǵandar jelige júzdegen foto men vıdeony jarysa saldy. Internet paıdalanýshylar oǵan birden ǵylymı negiz taýyp úlgerdi. Olar bulttyń túrli túske boıalyp jaryq shashýyn bulttaǵy sýdyń usaq tamshylary dep topshylady, dep habarlady «Reseı 24» telearnasy.
