Qubyr mańynda qurylys salmaq bolǵandarǵa jańa talap qoıyldy
ASTANA. KAZINFORM — Qazaqstanda magıstraldyq qubyrlardyń kúzet aımaqtarynyń saqtalýyna tsıfrlyq baqylaý kúsheıtildi, dep habarlaıdy Energetıka mınıstrliginiń baspasóz qyzmeti.
Qazaqstanda magıstraldyq qubyrlardyń kúzet aımaqtarynyń saqtalýyn baqylaýdyń tsıfrlyq tetigi engizildi. Tıisti fýnktsıonal «Jyljymaıtyn múliktiń biryńǵaı memlekettik kadastry» aqparattyq júıesinde Energetıka mınıstrliginiń alańynda uıymdastyrylyp, Bas kólik prokýratýrasynyń úılestirýimen jumys istegen vedomstvoaralyq jumys tobynyń birlesken jumysynyń nátıjesinde iske asyryldy.
Júrgizilgen jumystyń nátıjeleri Energetıka mınıstrliginde Munaı tasymaldaý jáne óńdeý departamentiniń dırektory Dáýlet Aryqbaevtyń tóraǵalyǵymen ótken jıynda tanystyryldy.
— Jańa fýnktsıonal aqparattyq júıede magıstraldyq qubyrlardyń kúzet aımaqtaryn, sondaı-aq qubyr ınfraqurylymy obektilerine deıingi belgilengen eń az qashyqtyqtardy kórsetýge múmkindik beredi. Endi jer ýchaskelerin berý týraly ótinimderdi qaraý, jer bólý máselelerin kelisý jáne qurylys jumystaryn josparlaý kezinde júıe qubyr ınfraqurylymy obektileriniń ornalasýyna baılanysty shekteýlerdi aldyn ala anyqtap, belgilengen talaptardy saqtaý qajettigi týraly eskertýge múmkindik beredi, — dep túsindirdi mamandar.
Júıege «QazTransOıl» AQ, «Qazaqstan-Qytaı Qubyry» AQ, «MunaıTas» SBTK» JShS magıstraldyq qubyrlarynyń, bas munaı aıdaý stantsııalarynyń (BMAS), munaı aıdaý stantsııalarynyń (MAS) jáne basqa da óndiristik obektileriniń, sondaı-aq «Magıstraldyq sý qubyry» júıesiniń obektileri men kommýnıkatsııalarynyń, onyń ishinde sý aıdaý stantsııalarynyń kúzet aımaqtary men eń az qashyqtyqtary týraly málimetter engizildi.
Bul jumys Energetıka mınıstrliginiń alańynda vedomstvoaralyq ózara is-qımyl aıasynda qurylǵan jumys toby arqyly júzege asyryldy. Onyń quramyna Aýyl sharýashylyǵy mınıstrliginiń, Ónerkásip jáne qurylys mınıstrliginiń, jergilikti atqarýshy organdardyń, «QazMunaıGaz», QazaqGaz ulttyq kompanııalarynyń jáne olardyń enshiles uıymdarynyń, «QazTransOıl» AQ, Kazenergy qaýymdastyǵynyń, «Qazgeodezııa» AQ, Ulttyq keńistiktik derekter ınfraqurylymynyń, Otyn-energetıka kesheniniń ahýaldyq-taldaý ortalyǵynyń, «Azamattarǵa arnalǵan úkimet» memlekettik korporatsııasy» KEAQ jáne basqa da múddeli uıymdardyń ókilderi qatysty.
Tsıfrlyq tetikti engizý jergilikti atqarýshy organdarǵa jer ýchaskelerin berý jáne qurylys salýdy kelisý kezinde belgilengen shekteýlerdi aldyn ala anyqtaýǵa, magıstraldyq qubyrlarǵa jaqyn aýmaqtarda ruqsatsyz qurylys júrgizýdiń aldyn alýǵa, sondaı-aq qubyr ınfraqurylymy obektileriniń zaqymdaný jáne avarııalyq jaǵdaılardyń týyndaý táýekelderin tómendetýge múmkindik beredi.
Energetıka mınıstrligi atalǵan jumysty júrgizýge qoldaý kórsetkeni úshin Bas kólik prokýratýrasyna, sondaı-aq jumys tobynyń qyzmetine qatysyp, osy fýnktsıonaldy iske asyrýǵa úles qosqan barlyq memlekettik organdarǵa, uıymdarǵa, salalyq qaýymdastyqtarǵa jáne mamandarǵa alǵys bildiredi.
Jumys tobynyń qyzmetine qosqan úlesi úshin «QazTransOıl» AQ men «Azamattarǵa arnalǵan úkimet» memlekettik korporatsııasy» KEAQ-nyń eńbegi erekshe atap ótildi. «QazTransOıl» AQ osy jobany iske asyrý boıynsha pılottyq alań bolǵan alǵashqy kompanııa atandy.
Bul tetikti iske asyrý memlekettik basqarýdy tsıfrlandyrýdy damytý, jer paıdalaný rásimderiniń ashyqtyǵyn arttyrý jáne Qazaqstan Respýblıkasynyń magıstraldyq qubyr ınfraqurylymyn qaýipsiz paıdalanýdy qamtamasyz etý jolyndaǵy mańyzdy qadam sanalady.
Osydan buryn Túrkistan oblysynda 1 mıllıonnan astam turǵyndy aýyzsýmen qamtıtyn sý qubyry salynatyny aıtyldy.
