Jer telimin zańsyz ıelený múmkin bolmaıdy
Bul týraly alqa májilisinde QR Bas prokýrorynyń orynbasary Andreı Kravchenko málim etti, dep habarlaıdy QazAqparat.
«Jer ýchaskelerin zańsyz túrde jappaı basyp alýǵa jol bermeý mańyzdy. Osy jumystarǵa biz ǵaryshtyq jer serikterin jumyldyrdyq. Mobıldik toptar qurylyp, ǵaryshtan jiberiletin sýrettermen qamtamasyz ettik. Búginde jerdi basyp alý kórsetkishi 2,5 myńnan 400-ge deıin azaıdy. Bizdińshe, jartyjyldyqtyń sońyna deıin bundaı jaǵdaılar endi bolmaıdy»,-dedi Kravchenko.
Kelesi kezeńde jerdi zańsyz ıelenýdi anyqtaıtyn avtomattandyrylǵan júıeni qurýǵa negizdelgen.
«Ol úshin jer serigi jiberetin sýretterdi jer kadastry bazasymen yqpaldastyrý qajet. Bul sharalar jerdiń árbir telimi men metri kórinýi úshin qajet. Aýyl sharýashylyǵy mınıstrliniń Jer kodeksi boıynsha úlken jumysyna qosyldyq. Oǵan túzetýlerdi tujyrymdadyq, osy oraıda baqylaý múmkindikterin jáne paıdalanylmaıtyn jerlerdi qaıtarýdy jeńildetetin bolamyz. Bul tártip kóktem men jaz kezinde jumys isteýine talpynýdamyz, sebebi osy merzimde quqyq buzýshylardyń belsendiligi artady»,-dedi ol.
