Jer telimin berýdiń elektrondy tártibi aıqyndalady - AShM

NUR-SULTAN. QazAqparat - Jer berýdiń qazirgi tártibine biraz ózgerister engiziledi. Bul týraly Senattaǵy tsıfrlandyrý tehnologııalaryn aýyl sharýashylyǵyna endirý taqyrybyndaǵy dóńgelek ústel otyrysynda Aýyl sharýashylyǵy vıtse-mınıstri Baǵlan Bekbaýov málim etti, dep habarlaıdy QazAqparat tilshisi.

«Búginde jer qatynastaryn basqarýdyń bazalyq quraly – ol Memlekettik jer kadastry avtomattandyrylǵan aqparattyq júıesi. Onda jer ýchaskeleri boıynsha, sonyń arasynda topyraq, geobotanıkalyq jáne aýyl sharýashylyǵy kartalary elektrondy formatta engizilip, 6,5 mln málimet saqtalǵan. Jer, halyqqa jer qatynastary salasynda memlekettik qyzmetterdiń 15 túrinen 14-i qazirgi kezde elektrondy qalypta kórsetiledi. Bul turǵyda Memleket basshysynyń tapsyrmasyn oryndaý maqsatynda mınıstrlik jer qatynastaryn tsıfrlandyrý máseleleri boıynsha zań jobalaý jumystaryn júrgizip jatyr. Olar jer berýdiń qazirgi tártibine biraz ózgerister engizedi», - dedi B. Bekbaýov.

Osy oraıda ol tsıfrlyq tehnologııalar engizilip, jer ýchaskelerin berýdiń elektrondy tártibi aıqyndalatynyn atap ótti. Bul rette qaǵazsyz qyzmet kórsetý jáne ýchaskelerdi berýdi kommýnaldyq qyzmettermen kelisý rásimderin avtomattandyrý josparlanǵan.

«Búginde jer telimderin tikeleı berý úsh kezeńnen, 38 qadamnan turyp, rásimdeý merzimi bir jylǵa deıin sozylady. Tsıfrlandyrý jer komıssııasyn qospaǵanda, rásimderdi 30 kúnge deıin qysqartýǵa múmkindik berip tur. Saýda-sattyqqa jer ýchaskelerin berýdiń qoldanystaǵy protsesi úsh kezeńnen, 19 qadamǵa jetip, qazir 3 aıǵa deıin sozylyp otyr. Osy protsesti elektrondy formatta usyný 10 kúnge deıin merzimde qysqartylady dep senemiz. Qazirgi kezde zań jobasy Parlamenttiń qaraýynda», - dedi vıtse-mınıstr.