Jer tek aýyl sharýashylyǵynyń máselesi emes - A. Esimov
ALMATY. 21 jeltoqsan. QazAqparat - Jer máselesiniń qalanyń ósip-órekendeýindegi mańyzy óte zor. Bul týraly búgin Almatyda jer zańnamasyn jetildirý jáne Almaty qalasy men qala mańy aımaqtarynyń jerlerin paıdalaný jónindegi keńeıtilgen jınalysta aıtyldy.
«Jer tek aýyl sharýashylyǵynyń máselesi emes. Ol bizdiń qalamyzben de tyǵyz baılanysty. Sondyqtan engiziletin ózgeristerdiń qala úshin orny erekshe. Máselen Jer kodeksindegi ózgerister boıynsha qazir jerdi maqsatty ıgerýdegi zań buzýshylyqty anyqtaý men ony qadaǵalaý ókilettigi jer komıssııasy men jer qatynastary basqarmasyna berilgen. Bul eki qyzmetti bir organǵa berý kerek», - deıdi Almaty qalasynyń ákimi Ahmetjan Esimov. Onyń aıtýynsha, qazir Almatyda 10 sotylyq tegin jer telimin alýǵa ótinish bergen 110 myń adam kezekte tur. Sondaı-aq qalanyń syrt aýmaǵyndaǵy saıajaılardyń kópshiligi eldi-mekenge aınalǵan. Al eldi-meken talaby boıynsha qajetti ınfraqurylym onda joq. Bul máseleni sheshýge zańdyq normalardyń joqtyǵy qolbaılaý bolýda.
