Jer silkinisinen keıin sel jáne kóshkin qaýpi bar aýmaqtar tekserildi
ASTANA. KAZINFORM — TJM «Qazseldenqorǵaý» MM mamandary ózen arnalaryn, gıdrotehnıkalyq qurylystardy, kóshkin qaýipti jáne sel qaýipti ýchaskelerdi zertteý boıynsha monıtorıng júrgizdi. Bul týraly vedomstvonyń baspasóz qyzmeti málim etti.
Sondaı-aq, tirshilikti qamtamasyz etý nysandaryn aralap, tekserý jumystaryn júrgizdi.
— Tekserý nátıjeleri boıynsha zaqymdaný tabylǵan joq, qazirgi ýaqytta atalǵan obektiler shtattyq rejımde jumys isteıdi, — delingen habarlamada.
Qıraýlar men zardap shekkender týraly málimet túsken joq. Jaǵdaı turaqty.
Eske sala keteıik, Taraz qalasynan soltústik-shyǵysqa qaraı 63 shaqyrym jerde jer silkinisi tirkeldi.
