Jer silkinisinen keıin Kamchatkanyń bir bóligi shamamen 2 metrge jyljydy

ASTANA. KAZINFORM – 30 shildede bolǵan kúshti jer silkinisinen keıin Kamchatka túbeginiń ońtústik bóligi ońtústik-shyǵysqa qaraı 2 metrge jýyq jyljydy, dep habarlaıdy Kazinform TASS agenttigine silteme jasap. 

– Geodınamıkalyq zertteýlerden alynǵan málimetter negizinde aldyn ala esepteý júrgizildi. Kamchatkanyń ońtústik-shyǵysqa qaraı jyljyǵany belgili boldy. 30 shildede bolǵan jer silkinisi nátıjesinde eń úlken jer qozǵalysy túbektiń ońtústik bóliginde tirkeldi. Osy sátte olar shamamen 2 metrge jetti. Ony 2011 jyly Japonııanyń Tohoký aımaǵyndaǵy jer silkinisinen keıin bolǵan kóldeneń jyljýlarmen salystyrýǵa bolady, - delingen habarlamada. 

Óz kezeginde Reseı ǵylym akademııasynyń Biryńǵaı geofızıkalyq qyzmetiniń Federaldy zertteý ortalyǵyna qarasty Kamchatka fılıaly Petropavl stantsııalarynyń yǵysýy sonshalyqty mańyzdy emes ekenin atap ótti. 

Eske sala keteıik, buǵan deıin Reseıdiń Petropavl-Kamchatskıı qalasynan 99 shaqyrym qashyqtyqta magnıtýdasy 5,2 bolatyn jer silkinisi tirkelgenin habarlaǵan bolatynbyz. Odan keıin Kamchatkada bolǵan jer silkinisiniń magnıtýdasy ártúrli baǵalar boıynsha 8,7-ge jetkenin habarladyq. 

Munan soń Kamchatkadaǵy jer silkinisinen keıin janartaýlar atqylaı bastaǵanyn jazdyq.