Jer silkinisinen keıin Almatyda taksı baǵasy kúrt kóterildi
ALMATY. KAZINFORM – Almatylyqtar taksı baǵasy qatty kóterilip ketkenin jetkizdi. Almaty turǵyny Nazıra jumys ornynan úıine deıin taksımen 5 myń teńgege jetkenin tilge tıek etti.
Aıtýynsha, jumys orny úıinen aıtarlyqtaı alys emes. 5-6 kóshe ǵana. Ádette taksı 700 teńge alady.
«Jer silkingen kezde jumysta edim. Úıde tústen keıin oqıtyn balam jalǵyz qalǵan. Birden balamdy oılap, tipti jylap ta jiberdim. Sosyn dereý jeteıin dep taksıdi kóshege shyǵyp ustadym. Baǵasyn suramastan dereý otyra qaldym. Úıge jetip qalǵanda júrgizýshisi sizden 5 myń teńge dedi. Oǵan da mán bermeı tóleı salyp balama júgirdim. Endi, Siz suraǵanan keıin esime túsip otyr. Baǵasyn sharyqtatyp jiberipti. Adamdar ne bop barady?», - deıdi qala turǵyny.
Rasynda, qala ishinde taksı qyzmeti 4-10 myń teńge aralyǵynda.
Eske salaıyq, búgin Almatyda 5 baldyq jer silkinisi boldy.
Almaty ákimdigi barlyq jınalý pýnktileri ashyq ekenin málimdedi.
Almaty polıtsııasy kúsheıtilgen rejımge aýysty.
