Jer silkinisine arnalǵan ǵylymı-tehnıkalyq jobany qarjylandyrý máselesi sheshilgen joq
ALMATY. KAZINFORM — «Soltústik Tıan-Shan jáne Jonǵarııadaǵy keshendi seısmologııalyq baqylaý málimetteri boıynsha jer silkinisi ǵylymı-ádistemelik negizderin ázirleý» atty ǵylymı-tehnıkalyq joba daıyn. Bul týraly Ulttyq seısmologııalyq baqylaýlar jáne zertteýler ǵylymı ortalyǵy dırektorynyń ǵylym jónindegi orynbasary Elızaveta Esenjigitova aıtty.
Osy jyldyń naýryz aıynda Qasym-Jomart Toqaev ǵylymı ortalyqqa jer silkinisterin boljaýdyń ǵylymı ádisterin qoldaný jáne engizý jóninde mańyzdy mindet júktegen bolatyn.
«Ǵylymı ortalyqtyń mamandary Prezıdentimizdiń tapsyrmasyna oraı 2025-2027 jyldarǵa arnalǵan «Soltústik Tıan-Shan jáne Jonǵarııadaǵy keshendi seısmologııalyq baqylaý málimetteri boıynsha jer silkinisi ǵylymı-ádistemelik negizderin ázirleý» atty ǵylymı-tehnıkalyq jobany jasady. Ony qarjylandyrý úshin Ǵylymı komıtetke joldanyldy. Alaıda, jobany qarjylandyrý máselesi ońtaıly sheshimin tappady. Aldaǵy ýaqytta bul másele óz sheshimin tabady dep úmittenemiz», — deıdi seısmolog.
Degenmen, Almaty qalalyq ákimi jáne Almaty qalasy máslıhaty tarapynan qoldaýlar kórsetilip jatyr.
«Prezıdentimizdiń tapsyrysyn oryndaýda ulttyq ǵylymı ortalyqqa, atap aıtqanda, Almaty óńirin zamanaýı seısmıkalyq qondyrǵylar jáne quraldarmen qamtamasyz etýde, sondaı-aq atalǵan merzim aıasynda Almaty seısmıkalyq qaýipti aımaǵy men Almaty aglomeratsııa aýmaǵynda zamanaýı ǵylymı izdenister júrgizýge arnalyp jasalǵan jobaǵa qarjylaı qoldaý kórsetýde. Bul ǵylymı izdenisterdiń deni Almaty óńirinde kúshti jer silkinisterin boljaý úshin seısmıkalyq málimetterdiń zamanaýı tásilderimen óńdeý jáne taldaý ádistemelerin engizý», — dep atap ótti spıker.
Buǵan deıin Ǵylym jáne joǵary bilim mınıstrligi 3 jyldyq seısmologııalyq zertteýlerge 1,5 mlrd teńge bólý josparlanǵany týraly aıtqan edi.
Sondaı-aq, 2024-2025 jyldary Qazaqstan aýmaǵynda 5 seısmıkalyq stansa ornatylatynyn jetkizgen.
Budan bólek, jer astyndaǵy seısmıkalyq datchıkter, janýarlar jer silkinisin sezetini týraly jazǵan bolatynbyz.
