Jer silkinisi Jetisý oblysynda da sezildi

TALDYQORǴAN. KAZINFORM - Jer silkinisi Jetisý oblysynda da sezildi.

Jer asty dúmpýin oblys ortalyǵy - Taldyqorǵan qalasynyń, Tekeli qalasynyń jáne Panfılov aýdanynyń aýmaǵyndaǵy turǵyndar aldymen baıqaǵan.

Jetisý oblysy TJ departamentiniń habarlaýynsha, aımaqta zilzaladan zardap shegý týraly qandaı da bir málimet tirkelmegen.

Aıta keteıik, buǵan deıin Almatyda 5 baldyq jer silkinisi sezilgenin jazǵan edik. 

Tótenshe jaǵdaılar mınıstrligine qarasty «STÁK» JShS-nyń seısmıkalyq stansalar jelisi Almaty ýaqytymen 23 qańtar kúni 00 saǵat 09 mınýtta jer silkinisin tirkedi. Jerasty dúmpýi Almatydan ońtústik-shyǵysqa qaraı 264 shaqyrym jerde, Qazaqsten men Qyrǵyzstan shekarasy aýmaǵynda boldy.

Energetıkalyq sanaty – 15.1. MPV terbelisi – 6.7. Tereńdigi – 65 km.

Jer silkinisi Almatyda 5 ball deńgeıinde (MSK-64 shkalasy boıynsha) sezildi.