Jer silkinisi. Úkimettik jumys toby Jambyl oblysyna jiberildi

ASTANA. KAZINFORM — Úkimettik jumys toby jaǵdaıdy saraptap, baǵalaý jáne shara qoldaný úshin Jambyl oblysyna jiberildi.

— Premer-mınıstr Oljas Bektenovtiń tapsyrmasy boıynsha Jambyl oblysynda oryn alǵan jer silkinisine baılanysty jergilikti atqarýshy organdarǵa jaǵdaıdy taldaý, jedel sharalar qabyldaý, keltirilgen shyǵyndy anyqtaý jáne baǵalaý máselelerinde kómek kórsetý úshin tótenshe jaǵdaılar vıtse-mınıstri bastaǵan úkimettik jumys toby óńirge jiberildi. Sondaı-aq jumys toby quramynda — Ónerkásip jáne qurylys mınıstrligi Qurylys jáne TKSh isteri komıtetiniń tóraǵasy, «QazQSǴZI» AQ fılıalynyń basshylyǵy, Úkimet Apparatynyń ókilderi bar. Premer-mınıstr birinshi kezekte áleýmettik nysandardaǵy, tirshilikti qamtamasyz etý nysandaryndaǵy, jol qatynastary men ónerkásip kásiporyndaryndaǵy jaǵdaıdy basym tártippen baqylaýda ustaýdy tapsyrdy. Sonymen qatar nysandardy tekserý, shyǵyndardy baǵalaý jáne derekterdi jınaý boıynsha mobıldi toptardyń sanyn kóbeıtýdi tapsyrdy, — delingen habarlamada.

Eske salsaq, búgin saǵat 16:00 shamasynda Jambyl oblysynda taǵy da jer silkindi.

Buǵan deıin óńirde alǵashqy jer silkinisi 03:42–de tirkelgeni belgili boldy. Eseptelgen qarqyndylyǵy Merki aýylynda — 5.0 ball, Qulan aýylynda — 4.0 ball, Shý 

Tabıǵı apat saldarynan Turar Rysqulov aýdany Qaraqystaq aýylyndaǵy mádenıet úıi, Merki aýdandyq aýrýhanasy, Oıtal aýylyndaǵy mektep ǵımaratynyń qabyrǵasynda jaryqshaq paıda bolǵany anyqtaldy.