Jer silkinisi: Túrkııa bıligi ǵımarattardyń zaqymdanýy týraly 378 habarlama alǵan

ASTANA. KAZINFORM – Túrkııanyń Qorshaǵan orta jáne qala qurylysy mınıstri Mýrat Kýrým Ystanbuldaǵy jer silkinisinen keıin jedel jelige ǵımarattardyń qurylymdyq zaqymdanýy týraly 378 habarlama túskenin málimdedi, dep habarlaıdy Report. 

– 112 nómiri arqyly ǵımarattardyń zaqymdanǵany týraly 378 habarlama aldyq. Ystanbulda 7,5 mıllıonnan astam turǵyn úı bar. Biz dereý tekserý júrgizdik. Saqtyq sharasy retinde 12 ǵımaratta, onyń ishinde Fatıhtegi qaraýsyz qalǵan bir ǵımaratta evakýatsııa júrgizdik, – dedi Kýrým.

Vedomstvo basshysy aldaǵy tórt kún ishinde ǵımarattardy egjeı-tegjeıli tekseretinin aıtty.

Osy kezeńde azamattar jumaǵa deıin sabaq toqtatylǵan mektepterde ýaqytsha qalyp, túneı alady.

Aıta keteıik, Ystanbulda júrgen Abaı esimdi otandasymyz jer silkinisi qorqynyshty bolǵanyn aıtqan edi.