Jer silkinisi: temirjol ótpeleri men kópirler zaqymdanbady — QazAvtoJol
ASTANA. KAZINFORM — Jambyl oblysyndaǵy jer silkinisinen keıin jasandy qurylystarǵa esh zaqym kelgen joq. Bul týraly QazAvtoJol baspasóz qyzmeti habarlady.
Jambyl oblysynyń aýmaǵynda bolǵan jer silkinisi týraly kelip túsken aqparatqa baılanysty jolshylar yqtımaldy áser etý aımaǵyndaǵy ınfraqurylymnyń jaı-kúıin shuǵyl tekserip shyqty.
— Merki jáne Turar Rysqulov aýdandaryndaǵy 5 jol aıryǵy, 2 temirjol ótpesi men 3 kópir egjeı-tegjeıli tekserilip, kólik qozǵalysynyń qaýipsizdigine kóz jetkizildi, — delingen habarlamada.
Aıta ketelik Jambyl oblysyndaǵy jer silkinisi bolyp, Turar Rysqulov aýdany Qaraqystaq aýylyndaǵy mádenıet úıi, Merki aýdandyq aýrýhanasy, Oıtal aýylyndaǵy mektep ǵımaratynyń qabyrǵasynda jaryqshaq paıda bolǵany anyqtalǵan edi.
Sondaı-aq oblys ákiminiń tapsyrmasyna sáıkes oblystyq jedel shtab jumys istep jatyr.