Jer silkinisi: bógetter men ózen arnalary tekserildi

QONAEV. KAZONFORM – Almaty oblysynda ózen arnalary, kóshkin jáne sel qaýipti ýchaskeler tekserildi.

– «Qazseldenqorǵaý» ATETÝ mamandary ózen arnalaryn, gıdrotehnıkalyq qurylystardy, kóshkin qaýipti jáne sel qaýipti ýchaskelerdi zertteý boıynsha monıtorıng júrgizdi. Sondaı-aq, tirshilikti qamtamasyz etý nysandaryn aralap, tekserý jumystaryn júrgizdi. Tekserý nátıjeleri boıynsha zaqymdaný tabylǵan joq, qazirgi ýaqytta atalǵan obektiler shtattyq rejımde jumys istep tur,– delingen TJM habarlamasynda.

Qıraýlar men zardap shekkender týraly málimet túsken joq. Jaǵdaı turaqty.

Buǵan deıin, Almatydan 88 shaqyrym jerde jer silkingeni týraly jazǵan edik. 

Osyǵan deıin, 25 qarasha kúni jer silkinisi bir ýaqytta elimizdiń birneshe qalasynda sezilgeni týraly jazǵan edik.

Buǵan deıin Tótenshe jaǵdaılar departamenti Almatyda kúshti jer silkinisi bolǵan jaǵdaıda sanaýly saǵatta bas saýǵalaıtyn baza qurylatyny týraly aıtqan bolatyn. 

Sondaı-aq Ulttyq seısmologııalyq baqylaýlar jáne zertteýler ǵylymı ortalyǵy dırektorynyń ǵylym jónindegi orynbasary Elızaveta Esenjigitova almatylyqtar jer silkinisine árqashan daıyn bolý kerektigin eskertken edi.