Jer silkingende ala shyǵatyn «dabyl shabadanyna» ne salý kerek

ALMATY. KAZINFORM — Almatyda jer silkinisine qalaı daıyndalyp, «dabyl sómkesine» qandaı zattar salý kerek ekenin taǵy bir eske salamyz.

«Dabyl shabadanyn» úıde qarapaıym rıýkzakqa, sómkege nemese shabadanǵa salyp jınaýǵa bolady.

Birinshiden, alǵashqy kómek kórsetetin qajetti dári-dármek salynǵan medıtsınalyq járdem qobdıshasy, jyly kıim-keshek, fonar, konservi men batyrmaly telefon bolýy kerek. Onyń qýaty bar bolsa bir apta nemese tipti 10 kúnge deıin jetedi. Sondaı-aq mindetti túrde ysqyryq bolýy shart. Túrkııadaǵy jer silkinisiniń tájirıbesine súıensek, bir mınýttyq únsizdik jarııalanǵan kezde adamnyń qaı jerde ekenin ysqyryq arqyly anyqtap, taýyp otyrdy. Sondyqtan, bul árbir almatylyqtyń dabyl sómkesinde bolǵany abzal.

Dabyl sómkesi — tótenshe jaǵdaı kezinde qajetti zattar salynatyn jıyntyq.

Eń aldymen ne alyp shyǵý kerek: aqsha, qujattar, alǵashqy kómek jınaǵy, sý, konservilengen tamaq, joǵary kalorııaly taǵam, jeke gıgıena quraldary, jyly kıimder, jyly kórpe, radıoqabyldaǵysh, batareıamen jumys isteıtin fonar, sirińkeler, ysqyrǵysh.

Qalalyq Tótenshe jaǵdaılar departamentiniń basshysy Nurlan Atyǵaev, bıik úılerde turatyn almatylyqtar bilýi tıis 10 qarapaıym erejeni atady:

1. dúrbeleńge túspeńiz, sabyrlyq saqtańyz;

2. jer asty dúmpýleri kezinde lıft pen baspaldaqty paıdalanbańyz, jer silkinip jatqan ýaqyt ótkenshe úıde kútińiz;

3. jıhazdan, terezelerden, lıýstradan alystańyz;

4. jasyrynatyn oryn tabyńyz (júk kótergish/kapıtal/ishki qabyrǵalardyń buryshy);

5. ǵımarattan shyǵyńyz (kóp qabatty úılerde – jerasty dúmpýleri toqtaǵannan keıin);

6. sýdy, gazdy, elektr qýatyn óshirińiz;

7. aldyn-ala daıyndalǵan «dabyl chemodanyn» alyńyz;

8. ǵımarattan evakýatsııalaý kezinde elektr jelilerinen, ǵımarattardan, aǵashtardan aýlaq bolyńyz;

9. jer silkinisiniń qaıtalanýy múmkin ekenine daıyn bolyńyz;

10. balalarǵa, qarttarǵa, múmkindigi shekteýli jandarǵa kómek kórsetińiz.

Aıta keteıik, búgin saǵan 10-da Almaty turǵyndary jer silkinisin sezindi. 

Sondaı-aq almatylyqtarǵa jer silkinisi týraly SMS-habarlama kelgen joq.