Jer silkinisinen keıin qyrǵyzstandyqtardy shatyrlarǵa ornalastyrýda
ASTANA. QazAqparat - Qyrǵyzstannyń Osh oblysynda jer silkinisiniń saldarynan úıler qırady. Turǵyndar shatyrlarǵa kóshirilip jatyr, dep habarlaıdy KABAR.
Eske salaıyq, 3 mamyr kúni saǵat 10:47-de Tájikstan aýmaǵynda 7 baldyq jer silkinisi boldy. Sondaı-aq, Tájikstanda bolǵan jer silkinisiniń dúmpýi Shymkent turǵyndaryna 2-3 baldyq bolyp sezilgen.
Qyrǵyzstan azamattyq qorǵanys komıssııasy turǵyn úıler men arnaıy nysandardy tekserdi.
«Barlyǵy 281 úı tekserildi. Aldyn ala derek boıynsha, 66 úı apattyq jaǵdaıda tur, al qalǵan 215 úıde maıda jaryq paıda bolǵan. Sondaı-aq, 6 áleýmettik nysan tekserýden ótkizilip, onyń tórteýi apattyq jaǵdaıda turǵandyǵy anyqtaldy. Olardyń arasynda 2 feldsherlik-akýsherlik beket, «Qyrǵyzposhtasy» ǵımaraty men mektep bar», - dep habarlady Qyrǵyzstan TJM baspasóz qyzmeti.
Qyrǵyzstan TJ mınıstrligi 100 apattyq úıdiń otbasy úshin 100 bes oryndyq shatyr tikti. Barlyǵy 717 adam ornalastyryldy.
«Búgin TJM qosymsha 200 shatyr bólip, jer silkinisi bolǵan aýmaqqa jetkizdi. Qazirgi tańda 25 qutqarýshy shatyrlardy ornatyp jatyr», - dedi vedomstvodaǵylar.
Aıta keteıik, 2017 jyldyń 5 mamyr kúni Tájikstanda taǵy da jer silkinisi tirkeldi.
