Jer silkinisinen es jııa almaı jatqan Indonezııada janartaý atqylady
ASTANA. QazAqparat - Sársenbi kúni jer silkinisi men tsýnamı saldarynan zardap shekken Indonezııanyń Sýlavesı aralynda janartaý atqylady. Bul týraly Kyodo agenttigi habarlaıdy.
Onyń málimetterinshe, aralda ornalasqan janartaýlardyń biriniń atqylaýynan aspanǵa kóterilgen kúldiń bıiktigi 4 shaqyrymǵa jetken.
28 qyrkúıek kúni Indonezııanyń Ortalyq Sýlavesı provıntsııasynda eki ret jer silkindi. Onyń bireýinde jer silkinisiniń qýaty 7,4 balǵa jetti. Sońǵy málimetter boıynsha, dúleı apat saldarynan 1234 adam qaza tapqan, taǵy júzge jýyǵy iz- tússiz joǵaldy, júzdegen adam jaraqat alǵan. Tabıǵı apat saldarynan 60 myńnan astam jergilikti turǵyn óz úılerin tastap ketýge májbúr boldy.
