Jer silkinisi saldarynan grektiń Kos aralyndaǵy kóne meshittiń munarasy qırady
ASTANA. QazAqparat - Jergilikti turǵyndar óńirde bolǵan qatty jer silkinisi saldarynan grektiń Kos aralynda ornalasqan kóne meshittiń munarasy qıraǵandyǵyn aıtady.
Bul Defterdar meshiti 1725 jyly osman ımperııasy ústemdik etip turǵan kezde salynǵan jáne araldyń kórikti jerleriniń biri sanalady.
Olardyń sózine qaraǵanda, basqa da tarıhı ǵımarattar buzylǵan. Atap aıtsaq, gospıtalshylar bekinisi, Agıa Paraskevı shirkeýi men 1920-1930 jyldary salynǵan qurylystar, dep habarlaıdy life.ru.
Laıftyń málimetinshe, Túrkııanyń batys jaǵalaýynda qýattylyǵy 6,7-ge deıin jetken jer silkinisi bolyp, ol Grekııada da baıqalǵan. El bıliginiń habarlaýynsha, Kos aralyǵyndaǵy zilzala saldarynan eki adam qaza taýyp, 100-den astam adam zardap shekti.
