Jer silkinisi - klımattyń ózgerýiniń saldary - «Tabıǵat» odaǵynyń tóraǵasy M.Eleýsizov
ANA. 12 naýryz. QazAqparat /Muratbek Maqulbekov/ - Jer silkinisi - klımattyń ózgerýiniń saldary. «Tabıǵat» ekologııalyq odaǵynyń tóraǵasy,
QR Prezıdenttigine kandıdat Mels Eleýsizov búgin óz shtabynda «Klımattyń ózgerýi jáne onyń saldary» degen taqyrypta ótken konferentsııada osyndaı pikir aıtty.
Keshe, 11 naýryzda Japonııada bolǵan qýatty zilzalaǵa qatysty pikirin bildirgen M.Eleýsizov, sý tasqyny, daýyl, jer silkinisi jáne t.b. sol sııaqty tabıǵat apattary klımattyń ózgerýiniń saldary ekenin málim etti. «Bizdi de kúrdeli problemalar kútip otyr, olardy tek Qazaqstan bolyp qana emes, búkil álem bolyp sheshý kerek», - dedi M.Eleýsizov óz sózinde.
«Halyq ekology» sondaı-aq Aıdyń bizdiń ǵalamsharymyzǵa tıgizetin áserý týraly da eskertti. Onyń aıtýynsha, kelesi aptada Aı Jerge jaqyndaı túsedi jáne osy qubylys Jer betindegi túrli tabıǵı úderisterge áserin tıgizýi yqtımal. Osyndaı qubylys oryn alǵan buǵan deıingi jyldary meteorologtar aýqymdy tótenshe tabıǵı apattardy tirkegen bolatyn.
«Bizde, úlken ekologııalyq problemalardy sheshý úshin, nebári 20 jyl ýaqytymyz ǵana bar. Jer silkinisi - klımattyń jylynyp ketýiniń saldary. Jer temperatýrasy qazirdiń ózinde jarty gradýsqa kóterilgen. Eger 3 gradýsqa deıin kóterilse, adamzat tuqymymen joıylyp ketýi múmkin», - dedi ekolog.
Kandıdattyń pikirinshe, jylymyq problemasyn sheshý úshin kómirtegi gazynyń atmosferaǵa shyǵarylýyn qysqartý kerek. Sondyqtan da M.Eleýsizov qazaqstandyqtardy 20 naýryzda kóshege shyǵýǵa jáne aǵash kóshetterin otyrǵyzýǵa úndedi.
